كرومبو 2012 .. تحفة ×_×

المفتش كرومبو
كل سنة وانتوا مقهورين عدت سنة 2011 وبدأت سنة 2012
بالرغم من 2011 كانت دموية ومأساة ودخلت 2012 بضحكتها البريئة , لكن بعد مرور ايام اكتشفنا انها ضحكة صفرة
حصلت فيها احداث غريبة
سرقة بنوك ,بنزين مفيش , كل يروح يقدم في وزارة التربية والتعليم عشان الشغل هيبقى مترمي ويطلع كله فشنك
وحادثة بورسعيد
وعشان كده انا والواد حموكشة حاولنا نعرف مين ورا كل ده
ياترى مين اللي قتل المتظاهرين ومين السبب في أحداث سرقة البنوك
ومين السبب في مأساة بورسعيد
وسألنا تلاتة شاكين فيهم وقالوا

فنطاوي الحاوي : عادي بيحصل في كل مكان ولازم الشعب الجبان ياخد حقه بإيده يا الا مش هيبقى مان.

طره السحلول بتاع الفلول:شربتوها ياشعب مفجوع وصدقتوا اني بقيت مخلوع , وربنا وربنا كمان مرة لعيشكوا علطول في دموع

مدلس الكعب: كله يتكلم بالدور , اقعد في مكانك ياطرطور,بتقول ايه؟؟!!
خرطوش ,, اما انتوا عالم مبتختشوش (

وبعد ما سألنا التلاتة المشكوك فيهم ,ياترى مين اللي ورا كل ده
1_فنطاوي الحاوي
2_ طره السحلول بتاع الفلول
3_ مدلس الكعب
انا عرفت ياترى انت عرفت
لو عرفت متتصلش بأي رقم واحتفظ بالاجابة لنفسك
أحسن تكون من ضمن ( ومنكوا لله خربتوا البلد )



منقولـ .. {